夏娃伊意紀遊

作者 : 胡民祥

這本散文集總共有36篇章，悠的題材誠集中，攏是以夏娃伊意作中心，寫我兩擺遊夏娃伊意群島所見所思。

自1993年以來，我踏上群島有五次之濟。佇1999年熱人，第四擺欲去進前，想著欲寫一系列的遊記，所以，遊覽一路作筆記。旅遊結束轉來夠北美洲茉里鄉椅家厝，陸陸續續寫一年，完成26篇，先後佇美洲「台灣公論報」發表。多年後，恪寫第27及28篇章。第五擺去夏娃伊意是2003年春三月，共款有作筆記，2008年四、五月整理成篇有八章。

我是台灣人，佇我的心靈奧底，我按呢想：仔風土上、血緣上、文化上，夏娃伊意及夏娃伊意人參台灣及台灣人有誠密切的關係。台灣俗語有咧講：「有唐山公無唐山媽，番婆仔是台灣人的阿媽。」近年來，科學上DNA的研究發現：台灣人九十拍仙有平埔族的血緣，這項發現證實這句俗語。平埔族本身有十統個族群，即馬的高山原住民亦有十外族，悠攏屬於南島語族。過去一、二十年來，人類學家透過語言學及考古學的研究’得著一項重大結論：「現此時，世界上所有的南島語族攏是唯台灣傳淚出去的，時間上大約是五千年前。」道是講：「台灣是南島語族的祖地。」

佇南島語族的傳涙裡，夏娃伊意人是上北月的一個族群，時間上嘛是上晏的，差不多一千外年前才移徙夠夏娃伊意。所以，夏娃伊意人是台灣人的遠親。道是因為這層事實，互我產生真大的興趣，佇I”9年欲去作第四擺探遊進前，決定寫遊記。而且，是椅著南島語族的觀點：來看所見，來寫所思。由夏娃伊意所見所思反射夠台灣社會的人文及風土，道是用一款比較文化參比較文學的觀點咧寫；是咧寫夏娃伊意’嘛是咧抒寫台灣。人講：「他山之石，可以攻錯。」夏娃伊意參台灣遮呢仔密切，恪卡有互相借鏡、互相啟發、互相參考的所在。

我這身平埔的後代，生佇南瀛祖地曾文溪南的古早的目加溜灣社，可講是詩拉椰族平埔媽參唐山公繁衍的囝孫。祖先佇十七世紀有漢詩的出發，是唯沈光文佇目加溜灣社開始的，伊有一首〈番婦〉寫活一身水噹噹的平埔媽。祖先同時嘛有平埔的南島語歌詩，親像古早有〈新港社情歌〉、〈麻豆社思春歌〉、〈蕭瓏社種稻歌〉。這四大社分別是今仔曰台南縣的善化、新市、麻豆、佳里。遮種種的歌詩攏有傳淚落來，以族群「集体記持Collective Memory」的方式，傳涙夠我身軀頂。不管我是走偌遠，悠攏參我是那影隨形。四十%來，參我走遍世界各地，嘛走來夠夏娃伊意。透過時間的磅孔，祖先參囝孫處處咧作隔世代、隔世紀、隔千百年的交匯、對話、托夢。這本散文集是有意思咧欲掠即款的思維，有替我家己找寡答案，破解我對島嶼現狀的迷惑，嘛希望對鄉親序大有所幫贊。

做一個台灣人，做一身南島語族的後代，我已經失去心靈裡一半的南島祖語，我唔甘恪失去另外一半心靈奧底的台灣話。所以，我誠珍惜母語台灣文，寫起文章一向道是以台灣話思維，筆尖自然道流出台語文的篇章。希望以心靈奧底的母語思維，來參恁逐家作一款心靈的交流，親像祖先一直咧參我對話共款；咱共同來建造一個美好的台灣，一個族群和諧的台灣民族國家。抱著這款的心情，這本散文集是咧累積我心靈思維的成品，來參恁對話，向望咱牽手作伙行踏夠島嶼的新高原。

 

作者 胡民祥

曾文溪南胡厝寮人，1943年生。1967年留美，得工程博士；就職西屋公司，定居茉里鄉。研究台灣文學史，建構台語（民族）文學理論，台語寫作，有詩、散文、小說參評論。「台灣公論報」副刊主編四年，現時「台文戰線」社委。