大洛杉磯台灣會館台文學校教材(二)

編輯溫惠雄

序言

溫惠雄

佇洛杉磯有一百外間中文學校，咱是惟一台文學校，代先感謝臺灣會館李木通前董事長恰現任林榮松董事長kip全體董事的支持，台文學校實在眞歹經營，台灣一百外年來受日本恰國民黨政權殖民化，互台灣人自卑感，看無起家己的母語，家己姆願講母語，也無期待子女會曉講母語。

總是三年來互我眞感動是有寡講廣東母話，上海話的華人洽有幾位外省第二代勞力學台語，有人是現任某華人報紙編輯僑二中心副主任，也有人因爲事業，拜六未通來上課，愛我每禮拜固定時間洽伊上課『台灣人智慧俗語』一句一句唸恰解說，我實在眞欽佩，我也眞歡喜是咱學校成人班的學員，攏是第一擺寫台文，眞濟寫眞好，奇文共欣賞，本冊『台文園地』收集三十外篇，『拋磚引玉』鼓勵卡濟人用台文寫作，親像李冠隆兄的「布帆」「坐長椅」「來穿我的鞋」，張麗星姊用四句聯來寫『一家的人』共十首，押韻眞美，確實不可多得的傑作，期待卡濟人來寫『父母話』

最後感謝廖鴻業老師，謝明城老師平時輔導恰打字修改，自編教材，期待本冊會幫贊寫台文的人。

大洛杉磯台文學校校長溫惠雄