台語母奶情深
作者 : 胡民祥
這本《台語母奶情深》是台語文學評論集。
所謂台語文學評論，我的定義是:用台語文寫的文學評論。這本評論集所評的對象是台語文作品，包括少數的華文作品。佇早年台語文學路頂，一般台語文創作者咧寫文學評論的時，主要是以華文書寫，因為強調也欲互華文的讀者看。早年，我嘛用華文寫過文學評論，數量嘛濟甲可以出一本評論集，書名定作：《詩歌聲裡》，猶未出版。
後來，我認定：若是決定欲行台語文這條路，道向華文講：拜拜！咱寫互台語文界的人看，互相鼓勵；不只創作，評論嘛著愛用台語文。廿外年來，我唔驚華文的人是唔是看有我寫的台語文學評論，只驚台語文寫作的人無夠濟，嘛只驚作品傷過欠缺。物理學上按呢咧講:量變夠質變。台語文學欲行出來，道是愛:量變夠質變。累積台語文學的作品數量，按呢來，有一日才會產生質變，行夠台語文學的主流境界。
這本評論集是評析台灣文學作品的一個切片，對象有十七、十八世紀平埔歌詩，亦有二十及二十一世紀台語詩、散文、小說。評論點出：台語文學直通台灣人的心靈，超越華文文學歹參台灣人跋感情的無奈。佇猶少人行的台語文學評論這款文類裡，這本書可作範本，有引導的功能；佇「作家、作品、讀者」三度思維空間交流裡，這本書提供評論者這款特殊讀者的任務，為台語文學金字塔叠地基。
作者 胡民祥
台南縣善化嫌胡厝寮人，1943年出世，台灣大學機械工程學士，紐約州立大學水牛城分校機械工程博士，定居美國匹茲堡東岸的茉里鄕，任職西屋公司做工程師。擔任過「台灣文學研究會」秘書、《台灣文藝》編輯委員、《台灣新文學》美國地區編委，主編《台灣公論報》副刊有四年•「蕃翟詩社」、「台文戰線」同仁。台語文孿創作有《胡民祥台語文學選》二本（台南文化版及金安版）、《茉里鄕紀事》散文集、《台灣製》詩集、《結束語言二二八》社論集，主編《台灣文學入門文選》、《燭火闖關》。台語文學創作俗有小說、文學評論、英詩及小說台譯。
