- January 10, 2015大華府台美人長樂會慶祝創會七周年會刊 大華府台美人長樂會 【會長的話】-Rong-Chin Fang，Ph.D.（方榮震） My dear TASS friends, It has been a great honor for me to serve you. As…
January 9, 2015Contents Part 1 - TFFCU from 1975 to 1995 Texas Formosan Federal Credit Union Copies of Twentieth Anniversary Issue…- January 9, 2015台灣Ha Le 語
- January 7, 2015順生善後-哀慟歷程 作者 簡忠松
- January 7, 2015愛河 作者 簡忠松
- January 7, 2015颱 作者 簡忠松 胡民祥
- January 7, 2015台語文 工程話 故人情 作者 簡忠松 胡民祥
- January 7, 2015逆道 作者 簡忠松
- January 7, 2015循道上岸 作者 簡忠松
January 7, 2015簡勇 台語文自賞集 作者 簡忠松 簡勇自序 最近幾年來-台語文兮硏究、推行若親像西北雨仝款-落夠有聲閣有影。有眞濟學者專家亦紛紛出來領導發展台語文字化。亦有未少老大儂靠洇兮記憶力拚命挖掘台灣文化資源；將口語、俗語來傳落來。少年兮一輩毋認輸，利用因科技兮進步技術將台語文來電腦化。 在這一鬧熱滾滾兮台語文運動中，各學各派都提出個兮理論基礎，做字方法。有儂用孔子、孟子時代講兮話做根據；有儂用紅毛番來台灣傳敎用兮羅馬音做根本。有儂建議完全採用漢字，有儂講要完全用羅馬音；有儂講漢羅合用尙界適當。 不管各專家安怎提倡或是建議，我一直感覺這攏是一個眞好兮大志。因爲有用心去想用頭腦去思考才會發現好兮方法。各種爭端亦是表示有用心硏究發展才有無仝兮成果；才有互相辯論兮機會。不管結論如何或是攏無結論亦無要緊，總是咱兮台語文眞正變成一種學科，變成一種有儂硏究兮學問。 語文本身無所謂好壞；語文本身是文化，是歷史，是社會，是經濟活動兮結晶。用語文來寫詩；是詩兮藝術。用語文來寫小說；是故事兮發展，過程與結局兮表達。 台語文因爲台灣殖民地性格兮特殊環境所以一直扮演著新婦仔角色。漢文爲主題兮台灣族群，歷經淸朝、荷蘭、曰本、中國歷代統治。日本時代皇民化兮政策互日據時代兮智識份子以日本語文爲顯示敎育程度與社會地位；國民黨佔據台灣後一掃日語文及壓抑台灣話互台灣儂對家己兮母語產生卑賤感。有心之士在國民黨白色恐怖之下亦暗中提倡台語文但是總算是少數中兮少數。 政治運動帶動著文化運動與語文運動。幾年前拍破獨裁封建政治體制，拍破戒嚴統治，台灣社會亦漸漸邁進言論開放，母語及台灣本土文化抬頭兮時陣。雖然近半世紀來國民黨兮語言文化政策互眞濟少年儂一直認爲台灣無文化；台灣文化是中國文化兮邊陲。這些少年儂甚至毋知安怎來講母語。好該在，咱猶有眞濟一直想欲保持甚至發揚母語兮台灣儂。 我所講兮台灣儂是講一向在文化上弱勢兮福佬儂、客家儂、及原住民族。因兮母語就是福佬話、客家話與原住民話。我家己兮台語文是指福佬台語文。 我理想中兮台語文是基本上有兩種；第一是口語化兮台語文，另一個是文言文式兮台語文。口語化兮台語文簡單來請是用自然講話寫出來兮台語文；有儂講是白話文。眞濟台語文專家叫咱「嘴講台灣話，手寫台語文」就是我所講兮口語化台語文。另一種是文言文式台語文，我是感覺就是經過修理過兮台語文：普通咱講話毋是用這種文言文，但是寫在書面上這種文言式台語意思表達，文法結構互儂感覺有眞通順兮感覺。 我無強調白話台語文較好或是文言式台語文較好；我只是表示咱有兩種文裁來表達咱兮台語文。 「簡勇台語文自賞集」是兩種台語文攏採用；我個人感覺兩種台語文攏有應用兮所在，只要習慣了後就會自然發揮。 自賞集中有詩、有散文、有政治評論、亦有小說。各類題材中白話台語文與文言式台語文攏有。有時在仝一類中亦呈顯兩種文體攏用。 雖然這是簡勇自賞集但是我亦希望各位對台語文有趣味兮先進後來共同批評指敎。
